مطر الحزن

نزل الرشاش
وريحة الدعاش
مرت سريع
خلتنى فى حالة بشاش
والدمع نازل كالمطر
خلى حبيبك فى أنتعاش
جبل الهدا يلمع شديد
شكلو بديع يرقش رقاش
وفجأة انقلب فرحى حزن
وشوقى الشديد لـ وطنى

صار ذى عجوز
حاسى العطاش
والله ياناس كم تعب
نص عمرى ضيعان
وأنا طاش
واهلى الكرام بس ديمة
فى حالة ضجر حالة فتاش
كم قالوا نصحونى الكلام
وانا فى ارتعاش ماهو انتعاش
والغربة خلت همى
ذى جبل الرقاش

ومالو الرقاش؟
قاعد محكر فى الوطن
لاعاد بكى وفرحان فرح
الفرحة ذى دى يابلاش
عطشان انا وحبى الجريح
فى قلبى كم عشعش عشاش
والله ظمأن يازمن
والغربة تنهش فى نهاش
مانعانى من حضن الفراش
حاكرانى دائما فى الاسى
-2-
ساعة الرواح فوق الفراش
مفلوق ورأسى مربطو
منكوب ومدمدم وكلى شاش
لامتين يعاودنى الفرح
لنيلناارجع للدعاش
ارجع هناك نحو البلد
لاهم يتاوقك لاحراش
والوجه يلمع كالحرير
مافيهو راش rash
لاتربة لاطين لاغباش
واليوم نضير ذى السحاب
فرحان بمر ذىالفلاشflash
والناس تجيك فرحانة بيك
تقول كلام حلو النقاش
مجانى وماهو باسكراتشscrach
والنيم يعطر بيتنا فى وقت الفرح
التاكا فوقنا وبينا قاش

نقدر نجافيه الاسى وننسى آلآم الزمن
لاغربة لاهم لاتراش trash

محمد رحمة /الطائف /الاربعاء 28/10/2009م


الطير المجروح
فى كل سحبة منديل يموت ثــــرى
ونحن الفقــــراء لانحسب قرشـــا
بل نوهب ريشا لطائـــــر منفوش
ونهدى حظا لشخص منحـــــوس
ونعرش قشا ليظل الظل المعروش
ونورد ماءا لطلف مبحـــــــــــوح
بل نأوى الخد المخدوش ..........
ونظل نسرد فى البوح .............
عشق الروح مع الروح............
ياطيرى اوقفه النوح...............
عطرنا عطرا منفوح...............
ياقيثارة صوت ممنوح...............
وأكتبنا نحن فى عمق اللوح......
لنعود الى وطن البوح..............
الطائف 11/11/2009م

ياوطنى نحن نحضنك فى قلوبنا

فرحة لاتموت ....

وطنى أنت (قمح) يتهادى

يمـنةً ويسرى كجون ترافولتا

يحمل بين يديه جيتار يتغنى

والقمح النائر يحمل فى داخله (زهرة)

كجيتار ترافولتا .....

وطنى طولك من دلتا الى فولتا

وحوافك يحضنها القمح النائر

لايجرفها هذا الثائر

فهو يحبها ... يهواها وكم يأواها

ياوطنى نوارة قمح تتبسم

لاتعرف (شلخاً) ولا (وشـماً)

وجهها سادة كظهر وسادة

هو تعاضد وطنى وبنوه ضد المحن ..

طول الزمن ...الوضع الحاصل سر حزنى ..

وسر زوال شجنى ....نوارة قمح فى مدنى

تقاتل كثيرًا فى المحن ..

وتقتل شبحًا يقلقنى

كثيرا كثيرًا يظلمنى ..

وهوكثيرًا يأسرنى

ويبعدنى عن وطنى .

^^^^^^^^^^^^

عن وجه سادة (قمحى)

هو عنوانى الإنسانى

هو عينى وإنسانى ..

هو ذاكرتى ونسيانى

الوحى الكامن فى كيانى

الروح النائرة سودانى

إخلاقى الطاهرة وجدانى

^^^^^^^^^^

هى بذرة سمراء اللون أفريقية الأصل

سافرت فى داخل خصلة شعر ونبتت فى الهند

فصار اللون قمحى ..صار اللون سودانى

حورية جميلة (هنــدانى)

سكنت فى داخل أحضانى

غذائى الروح وأمانى

قد صارت ضعفى وهوانى

و(القمحة) شهر قد كبرت ..

إنسانة لطيفة محبوبة

عينيها جميلة ومعصوبة

شفتيها مياه ورطوبة

خديها دموع مصحوبة

ياقمحة لما تبكـــــين ؟ ...

قالت أمــــى مخطوفة

مذ زمن كانت ملهوفة ...

مذ زمن كانت مألوفة

لكنه الوضع الإرجوفة ..

لكن الوضع الإرجوفة

محمد رحمة النور/1992م

سهول القمح

سهول القمــح قــد بــــدأت تــرفـرف فـــــى بـواديـنـا

ترفــرف فــى عوالمنـــــــا وهــذا البعـد يضنينــــــــا

تغنينــــا نشيــــد الـحــــــب بــالآمـــال تــشجــيـــــنا

نحـــو المشعـــل المشــــــــرق ستــحـــرق كــل أعادينـا

وقمــــح يبـــدو مخضـــــــراً يـحقــق كــــل أمــــانينـا

عليـــه الــروح تستلـقـــــــى وتبحــث عــــن أغانينـــا ********

بـــواديــنا الحبيبــة دومــــــاً تسكــــن فـــى مآقينــــــا

هنـــاك الفــجـر ينظــرنــــــا مــن البعــــد ينادينــــــــا

نسيم صباحنا الباكر من أندائه الحبلـــى يسكـــرنا يغذيـنا

أغانينـــا الجميـــلة هنـــــــــا شعــــاع الحــــب يحوينـــا

طبول العرس قد دقـــــــــت تســــود الأمــس والحينــا

رجـالات كــم توجهنــــــــا عليهــا العلـــم مزيونـــــا

********

وفكــر ثاقــب ناضــــــــــج كوهـــج الشمــس يهدينـا

يوجــه كـــل مراحلنـــــــــا جميـــل الطلـــع مأمونـــــا

نــجــاح غامــر هائـــــــــل نـــجاح حــــق مرهونـــــا

شبـــاب حامــيئ نـــــــــار وبالآمــــال مشجونــــــــا

مبادئ الــحق تسكــنـــــــه ويعرفهـــا مــنادونـــــــــا

بطــول الوطــن يمتــــــــدوا وحقـــًا هـــم محــبونــــــا

********

أهـــل القمـــة والهمــــــــة وحقـــــــًا هــم جديــرون

يغنـــوا هـــم مبادئنــــــــــا بلاحــــــــزن ويدنــــــون

نحـو الــحق والاحقــــــــاق وقــــــول الــلــه ميمــونا

رجـــال العـــز قـــد كالوا وقـــد أوفــوا الموازينــــــا

بـين العـــدل والظلـــــــــم فـــرق شاســــع البـــــون

وأهـــل الظلــم قد نامـــــوا عــــن الإنصـــاف لاهـون

‌‌‌‌‌‌++++++

محمد رحمة النور/1991م

مستقل

قـــــوة حــــــرة مستقلــــــــــة

قـــــوة أبـــــداً لاتمــــــــــــــــلا

مبدأ بالحق طــــــــــــــــــــــلا

مســـــتقل بالإيمـان تحــــــــلا

كـــــل ظالـــــم قـــد تـــــــولى

أبـــــدع الخالـــق تجلــــــــــى

عندما الحـــــــــق تجلــــــــــى

حينها الظلـــــــــم تولـــــــــــى

عودة الروح

هى فرحة بعودة الشعر لحياتى بعد غياب سنين القحط

امتنعت وعن ديارى كم بعدت إرتحلت واغتربت ....

وجيتنى راجع بعد مدة جيتنى بالفرحة الكبيرة

جيتنى رابط ليك حريرة جيتنى روحاً كم أصيلة

جيتنى فى ساعة المقيلا جيتنى ترياق سلسبيلا

ليلة .....ليلة.... ليلة وليلة من أروع ليالى

جيتنى تتقدل تجارى جيتنى قاطع دى البحارى

جيتنى انسان جيتنـــى آلى جيتنى (روبوت) فى المجالى

جيتنى عـــارى .......

وقمت لفحتك بقولـــى وقمت لبستك أشعـارى

وصرت تختال فى التلال وصرت تمثال الجمـــال

وصرت فى قمم الجبال جيتنى انت وجانى خيرك

جانى جــــارى........ وجيتنى من عمق البحارى

وانت بحالى دارى ...... جئت دارى كم سعد فرهد خضارى

وانا ابنك بيك بارى ..... انت ينبوع فى الصحارى

وانت ينبوع فى الهجارى .

الطائف/الحوية/نهار السبت 20/11/99م .

شجونهذه الدنيا شجون فــى شجــون

كل ماضيها مليـــئ بالجنــــــون

غاضبون وحاقدون وحاســـدون

ظالمون وواجمــــــون...وهالكون

فى كل الزمانات القديمة هالكون

*******

لو انه غشع الملبد بالغيــــــــوم

لو أنه مسح المجـــــــــــــــــون

لو انه شنق اليهود الملحـــــدون

لو أننا قمنا بذبح الخائنـــــــــين

ماكان فى هذه الدنيا شجــــون

*******

لكننا نحن الملحــــــــــــــدون

نحن الخائنون الظالمــــــــــــون

الضائعون الواجمـــــــــــــــون

بل نحن نحن السافهـــــــــــون

فإلى متى وإلى متى نبقى نخون؟؟

******* **** ** *

محمد رحمة النور

ناس عجيبة

ناس غريبة وناس عجيبة
وناس بتهرب من نصيبة
وناس بتقلع ما نصيبة
وناس تجيك ساعة المصيبة
وناس تسبب ليك مصيبة
وناس كلامه كلو غيبة
وفى ناس نفوسه كم حبيبة
وناس تحب لكل طيبة
وناس بتغمز ياخى سيبة
وناس بتهمس وتحتميبه
وناس تسندك فى المصيبة
وناس تولع ليك لهيبة
وناس بناره تكتويبه
وناس خجولة تضارى شيبة
وناس تنوم ساعة المغيبة
الزمن لو حتى فرهد
تبقى زهرة فاقدة طيبة
نمشى نبحث فى زمانه
لمعانى شديد رهيبة
للمسافات والمدائن
لفرح مافيهو ريبة
لعيون مليانة بسمة
لشجون تخجل تعيبه
يا الله ياعرسانا غنو
سيرو للفرحة الحبيبة
سيروا فى الساحات شهامة
اتركوا الضيعة العصيبة
عزو ياوحى الامانى
والمعانى المستطيبة
ميرغنى الفرحة النبيلة
جات تبشر ليك حبيبة
طيارة ماحزت الجدارة
والقضارف تحتميبة
والتمنى للغوالى بحياة مافيها ريبة
يا الله ياعزابة قوموا
اتركوا الضيعة العصيبة
قوموا للعرس الكبير
خلو فرحة تزيعة ريبا

محمد رحمة دالاس 2008 مارس

الغربة والزرزور

رمية
وفى امريكا كانت حقيقة النور
وكان الحظ فى يوم جميل ممطور
مع ملك الطيور الحور
وكان وزيرنا هو الزرزور
بينتــف فى الحجرمزعور
بيلعن بعده عن كرنى والعتمور
خواطر فيل نفس القصة بيكربونه والمدلول
وانا التائه رحلت عبر المدن مأثور
من مدراس للطائف ثم دالاس مع الزرزور
حليل السمحة فى ام در
حليل المنقة والمغمول
+++
القصيدة
قصة غريبة يالزرزور
تركتك فى ربى العتمور
بتهدى الفرحة للمقهور
بلادى انا بلاد النور
وعزها عزة المنصور
تشوف الزول بشوش وسرور
مأمل فى رجوع وزور
الهى ابعدنا عن الزور
وهناك السمحة فى ام در
تبحلق برؤى المنظور
وكاتباها السطور فى سطور
وليزولأ هناك مأثور
ومنفى فى رحى بدفورد
كرهتك يازمان الجور
وياطيرا هناك منحور
يساسق ذى جريح معزور
رجع من الحرب مزعور

رحــــــال

انا الموبؤ بالاحزان والاهوال
اواجه حرفة الترحال
ومن زمن راحت عنى طولة البال
ومذ زمن اودع فيه لا استقبال
واكثر ما اواجه ظلمة الاهوال
لانى امارس حرفة الترحال
وانا الموبؤ اعيش مرارة الرحال
وانا التهديد شاملنى كسد كجبار
وكيف العودة ياوطنى
وطيب الجار؟

وطـــــــنى

وطنى انا اعطيناك العشق
فأنت العشق والمعشوق
والعاشق الذى عشق
وانت الريح والريحان
والحب الذى فلق
وانت البيت والاوطان
والرشد الذى بلغ
وانت التبر والامياس
والوحى الذى شرق
وانت العطر والاعطار
والمسك الذى سحق
وانت العلم والنجم
لا الجهل الذى هلك
وانت الشعر والاشعار
والكلم الذى كتب
فياوطنى عطاء ليس بحد
ولا جادت به الكتب
ولايكفيه من ماء
ولا الدمع الذي سكب

نفسى الذليلة

يانفسى الذليلة
اكيد مافيك خيرا
وجئت كالضريرا
اصابنى شيب كثيرا
كالمطر الهطيلة
اكاد اجن اطيرا
من وضعى الحقيرا
من نفسى الذليلة
من نفسى الذليلة